काठमाडौं ।  सरकारले पेट्रोल, डिजेल र मट्टितेलमा दुई रूपैयाँ घटाएको छ ।

Advertisements

नेपाल आयल निगम लिमिटेडले मंगलबार प्रेस विज्ञप्ति जारी गरी आज दिउँसो १२ बजेपछि लागू हु्ने गरी पेट्रोलियम पदार्थको मूल्य घटाएको हो । अब राजधानी काठमाडौंमा प्रतिलिटर पेट्रोलको मूल्य १०७ रूपैयाँ पर्नेछ । यसअघि यसको मूल्य १०९ रूपैयाँ पथ्र्याे ।

Advertisements

यस्तै, डिजेल र मट्टितेल भने प्रतिलिटर ९५ रूपैयाँमा खरिद गर्न सकिनेछ । यसअघि यसको मूल्य प्रतिलिटर ९७ रूपैयाँ पथ्र्याे ।

राजधानी बाहिरका झापा, विराटनगर, धनुषा, वीरगन्ज, अमलेखगन्ज, भलवारी, नेपालगन्ज र धनगढीका डिपोमा भने प्रतिलिटर पेट्रोलको १०५.५० रूपैयाँ पर्नेछ । यस्तै, डिजेल र मट्टितेल ९३.५ रूपैयाँ खरिद गर्न सकिनेछ ।

पोखरा र दाङमा पेट्रोल १०६.५० रूपैयाँ तथा डिजेल र मट्टितेलको ९४.५० रूपैयाँ पर्नेछ ।

पाइपलाइनबाट ढुवानी हुँदा बचत भएकाले मूल्य घटाइएको निगमद्वारा जारी विज्ञप्तिमा उल्लेख छ ।

प्रधानमन्त्री केपी शर्मा ओली र भारतीय समकक्षी नरेन्द्र मोदीले आजै मोतिहारी-अमलेखगन्ज पेट्रोलियम पाइपलाइनको उद्घाटन गरेका छन् ।

तपाईको प्रतिक्रिया राख्नुहोस

कृपया तपाइको कमेन्ट लेख्नुहोस्
कृपया आफ्नो नाम लेख्नुहोस्