जनकपुर । जनकपुर उच्च अदालतको वीरगञ्ज इलजासले पूर्वमन्त्री मोहमद आफताव आलमलाई पूर्पक्षमा राख्ने जिल्ला अदालतको आदेशलाई सदर गरेको छ ।

Advertisements

जनकपुर उच्च अदालतका न्यायाधीशद्वय डिल्लीराज आचार्य र सत्यमोहन थारुको संयुक्त इजलासले आलमलाई पूर्पक्षका लागि थुनामा राखेर अनुसन्धान गर्न आदेश दिएको हो ।

आलमले थुनामा राखेर अनुसन्धान गर्न रौतहट जिल्ला अदालतले दिएको आदेशविरूद्ध उच्च अदालत जनकपुरमा निवेदन दिएका थिए ।

२७ चैत ०६४ को संविधानसभा चुनावकाे समयमा उनकाे घरमा बम बनाउँदै गर्दा विस्फोट भई घाइते भएकाहरूलाई नजिकैको ईटा भट्टामा जलाएर मारेको अरोप लागेको थियो । रौटहट जिल्ला अदालतले २९ कार्त्तिक २०७६ मा आलमलाई पूर्पक्षका लागि थुनामा राख्ने आदेश दिएको थियो । जिल्ला अदालतको आदेशपछि आलमलाई नख्खु कारागारमा राखिएको छ ।

उच्च अदालतमा आलम पक्षका कानुन ब्यवसायी वरिष्ठ अधिवक्ता यदुनाथ खनाल, अधिवक्ताहरु सुधीरकुमार कर्ण, रामेश्वर सेढाई र विनय सिंहले बहस गरेका थिए ।

पीडितका तर्फबाट वरिष्ठ अधिवक्ता युवराज संगौला, पुष्पराज पौडेल र किशोर विष्टले बहस गरेका थिए ।

तपाईको प्रतिक्रिया राख्नुहोस

कृपया तपाइको कमेन्ट लेख्नुहोस्
कृपया आफ्नो नाम लेख्नुहोस्