काठमाण्डौ । लकडाउन खुलेसँगै ट्रायल पास गरेका धेरैको हातमा स्मार्ट लाइसेन्स पर्ने भएको छ।

Advertisements

यातायात व्यवस्था विभागले लकडाउनको बेला पनि स्मार्ट लाइसेन्स छपाइको काम जारी राख्दा धेरैले स्मार्ट लाइसेन्स पाउने भएका हुन्।

विभागका अनुसार दैनिक तीन सिफ्टमा स्मार्ट लाइसेन्सको छपाइको काम भइरहेको छ। मास प्रिन्टरबाट दैनिक ५ हजार बढी लाइसेन्स छापिरहेको विभागको दाबी छ।

‘लकडाउन सुरु हुँदा एक हप्ता बढी छपाइको काम पनि बन्द भएको थियो’, विभागका महानिर्देशक गोगन हमालले भने, ‘तत्काल लकडाउन खुल्ने सम्भावना नदेखेपछि छपाइको काम पुनः सुरु गर्यौँ।’

लकडाउनसँगै लाइसेन्सको ट्रायल परीक्षा बन्द हुँदा नयाँ स्मार्ट लाइसेन्सको माग बढेको छैन भने पुराना लाइसेन्स नवीकरण पनि बन्द छ। यसले विभागलाई नयाँ लाइसेन्सको माग छैन। लकडाउनअघि नै ट्रायल पास गरेका र नवीकरण गरेका स्मार्ट लाइसेन्सको कुराइमा लाखौं सेवाग्राही छन्।

विभागले चालू आर्थिक वर्षभित्र सबै पुराना लाइसेन्स छपाइको काम सक्ने बताएको छ ।

लकडाउन खुलेसँगै इम्बोस्ड नम्बर प्लेट वितरण पनि सुरु हुने
इम्बोस्ड नम्बरमा नेपाली भाषा राख्ने कि अंग्रेजी भन्ने विवादका कारण सर्वोच्च अदालतमा रोकिएको इम्बोस्ड नम्बर वितरण प्रक्रिया लकडाउनको कारण फेरि रोकिएको छ।

‘चैतमा हामीले वितरणको काम पुनः सुरु गर्ने तयारी गरेका थियौँ’, महानिर्देशक हमालले भने, ‘लकडाउन खुलेसँगै एउटा सूचना जारी गरे पुनः काम सुरु हुन्छ।’

लकडाउन खुलेलगत्तै सवारीधनीलाई इम्बोस्ड नम्बर प्लेट जडानको लागि सूचना जारी गर्ने उनले बताए।

सर्वोच्च अदालतले इम्बोस्ड नम्बर प्लेटसम्बन्धी रिट खारेज गरिसकेको छ। भरतकुमार बस्नेत र राजन बुर्लाकोटीले रिट दायर गरेका थिए। अधिवक्ताद्वयले २०७४ फागुन ६ गते प्रधानमन्त्री तथा मन्त्रिपरिषद्को कार्यालय समेत यातायात व्यवस्था कार्यालयविरुद्ध रिट दायर गरेका थिए। इम्बोस्ड नम्बर प्लेटमा अंग्रेजी भाषा प्रयोग भएको भन्दै राष्ट्रिय पहिचान मेटिएको आरोप लगाएका थिए।

तपाईको प्रतिक्रिया राख्नुहोस

कृपया तपाइको कमेन्ट लेख्नुहोस्
कृपया आफ्नो नाम लेख्नुहोस्