गणेश आचार्य
दाङ । २०६७ मा किशोरीलाई अपहरण गरी सामूहिक बलात्कार गर्नेलाई सर्वोच्च अदालतले १२ वर्षपछि १६ बर्ष जेल सजाय गर्ने फैसला गरेको छ ।
ब्वाईफ्रेन्ड सँग दाङको तुलसीपुरस्थित सागर होटलमा बसेकी रुकुमको चुनवाङकी १८ वर्षिया लक्ष्मी (परिवर्तित नाम)लाई अपहरणगरीबलात्कार गरेको आरोपमा न्यायाधीश कुमार रेग्मी र हरिप्रसाद फुयालको संयुक्त इजलासले गत जेठ १० दाङको साबिक मानपुरगाविसका सुनील वली, बुद्धिप्रकाश केसी र यादव टन्डनलाई १६ बर्ष कैद सजाय सुनाएको हो ।
त्यही अपराधमा संलग्नमध्ये दाङको मानपुरका चन्द्र बीएम र उरहरिका नवीन बस्नेत अहिलेसम्म पनि फरार छन् । फरार रहेकालेसामूहिक बलात्कारको अपराधमा उनीहरूको भूमिकाबारेको मुद्दालाई जिल्ला अदालतले मुल्तबीमा राखेको छ । उनीहरू पक्राउ परेपछित्यसमा सुनुवाइ हुनेछ ।
तर, अपहरण तथा शरीर बन्धक मुद्दामा फरार रहेका अभियुक्तलाई पनि प्रमाणको मूल्यांकन गरेर सजाय दिन सकिने, मुल्तबीमा राख्ननपर्ने कानुन छ । त्यसैले सर्वोच्च अदालतले उनीहरूलाई सामूहिक अपहरणमा ६ वर्षको कैद सजाय तोकेको छ । त्यस्तै उक्त घटनामामुछिएका साबिक उरहरिका सचिन योगी तथा मानपुरका कृष्णसागर वली र मिनकेतन गिरीलाई सहयोगीको भूमिका खेलेको भन्दैसर्वोच्चले दुई–दुई वर्षको कैद तोकेको छ ।
तत्कालीन समयमा प्रचलित मुलुकी ऐनअनुसार बलात्कारमा पाँच वर्ष, सामूहिक रूपमा उक्त अपराध गरेकाले थप पाँच वर्ष, अपहरणमाचार वर्ष र सामूहिक रूपमा उक्त कसुर गरेकाले थप दुई वर्ष गरी जम्मा १६ वर्षको कैद सजाय सुनाएको हो ।
होटलमा होहल्ला गर्दै बसेका १० जना केटाले टीभीको आवाज ठूलो बनाएर माथिल्लो तलासम्म डिस्टर्ब गरेपछि लक्ष्मीका ब्वायफ्रेन्डलेहोटल साहूलाई गुनासो गरे । त्यसलगत्तै ती केटाहरू उनीमाथि जाइलागे । कुटपिट गरेर छाडिदिए तर लक्ष्मीलाई भने जबर्जस्ती उठाएरसाबिक तुलसीपुर नगरपालिकाको वडा नं. ५ र ९ को बीचमा पर्ने पातुखोला किनारमा पुर्याएर रातभर सामूहिक बलात्कार गरेको सर्वोच्चअदालतको ठहर छ ।
सर्वोच्च अदालतबाट कैद सजाए तोकेको ४ महिना भएपनि सजाए तोकिएकाहरू खुलेआम हिडिरहेका छन् । प्रहरीले भने उनीहरूलाईपक्राउ गर्न आदेश नआएको भन्दै पक्राउ गर्न चासो देखाएको छैन् ।
